بشيل كفوفك في إيديا. بشيلهم في كفوفي إللي أخدتهم منك. بشيلهم عشان متتعبيش من الحمل – أكياس و شنط و سبيتة غسيل و كتب و أوراق تتصحح. مفيش كفوف تشيل كل ده لوحدها.
يبقولولي إن عشان كده بنتجوز – عشان مفيش كفوف بتشيل كل ده لوحدها – و إنتِ لحد دلوقتي لسه شايلة لوحدك.
بشيل عينيكي في عينيا. بشيلهم في عينيا جواه و أشوف بيهم. عينيا إللي إديتهملي شبه عينيكي. بشيل عينيكي عشان لما بنشوف كتير أوي بنتعب و بنحتاج نقعد في الظلمة و نريّح عينينا من كل إللي شافوه و نبتدي نشوف من جديد.
بشوف بعنيكي و أعرف منهم إن لما نقعّ لازم نقوم منغير ما نتستنى د يقومنا. و لما نتحبس منغير هوا لازم نخلق لنفسنا منفذ و لما حد يغمي عيونا لازم نستعمل كفوفنا عشان نلاقي طريق.
بشيل قلبك في قلبي. بشيل قلبك معايا – على طول – بشيل جوايا حكاياتك و أحلامك و سنينك. بشيل قلبك معايا عشان لما الحزن جواه يتقل أحمله منك و عنك و تخفي و تطيري – ريشة من على كفوف صغيرة بخواتم فضة شبة كفوفك.
4 التعليقات:
mesh fahem menha kteer
bs 3amatan e7saser 7elw :D
momken teb2y kateba ra2e3a :D
mashkoor
بشيل قلبك في قلبي. بشيل قلبك معايا – على طول – بشيل جوايا حكاياتك و أحلامك و سنينك. بشيل قلبك معايا عشان لما الحزن جواه يتقل أحمله منك و عنك و تخفي و تطيري – ريشة من على كفوف صغيرة بخواتم فضة شبة كفوفك.
الله عليكي بجد رائعةاحساس عالي يلمس القلوب الطايرة فوق السحاب
كلمة متشكرة جدا على الزيارة الجميلة دي للمدونة و على الكلام الجميل
أنا إللي متشكرة حقيقي
سعد شكرا جدا على كلامك الأكتر من رائع. فعلا تعليقك أسعدني جدا
إرسال تعليق