بنطلون أحمر

الجزء الأول

1
بس هوه عنده حق. حرام ألبس الجلبية دي قدام أبوه و أخوه لأنها ممكن تكون شفافة شوية. و أنا مش عايزة أحمله ذنوب.

إنت أصلا مش مصدقة موضوع الذنوب ده و الجلابية مش شفافة و إنتِ عارفة ده كويس

يوهههه. أنا لو فضلت أسمع كل كلمة بتوسسها نفسي هخرب عشي زي ما بيقول. أنا هقعد أقشر البطاطس لحقد ما يرجع من الجيم.

إللي إخترع الجيم ده عبقري. مهوه مفيش قهاوي في البلد التلج دي ف الجيم بيسد. و بعدين جسمه حلو و متقسم و الصارحة أنا عاجباني عضلات بطنه أوي. بالذات إنها فعلا بقيت شبه بتوع الممثل الإنجليزي ده جاسون معرفش إيه إللي كل ما يطلع على التليفزيون يقول لي "هوه ده هدفي. الجسم ده."

فاكرة لما كنتِ لسه متجوزتيهوش و كنتوا لسه في القاهرة؟ كنتِ بتحبي جسمه زي ما هوه – رقيق و حنين و هوه مكانش بيقولك "حرام" بين كل كلمة و التانية.

أيوه بس إللي كنا بنعمله ده كان  حرام. البوس في الحمامات و الظلمة. دلوقتي كل حاجة نفسنا فيها بنعملها و في الحلال. و هوه مبيخلينش نفسي في حاجة. دايما يشوفني نفسي في إيه المرة دي. هوه بيعمل زي ما بيقول الشرع: Foreplay الأول بعدين الذي منه عشان أكون مبسوطة. هوه مراعيني و بعدين أنا مش عايزة حاجة أصلا غير كده. هوه مش مخليني نفسي في حاجة.

بس إنت مكنتيش عايزة تعملي إللي خلاكي تعمليه إمبارح باليل بس عملتيه عشان وراكي الكلمتين إللي قلبهم 180 درجة عشان يلوي ذراعك.

لأ لأ لأ لأ لأ ملواش ذراعي. أنا كنت بعمل إللي هوه عايزه عشان هوه جوزي و أنا مفروض أعمل إللي هوه يقول عليه. هوه وراني الآية و أنا عارفة إن ده صح.

 وراهالك بالإنجليزي يا عيني و إنتِ عارفة كويس إن الآية لا معناها كده و لا حاجة. إنتِ نسيتِ العربي و لا إيه؟

لأ أنا كنت فاهماها غلط. هي معناها إني أعمل إللي هوه عايزه و هوه مراعي إحتياجاتي. جنس و مبسوطة. عايشة في بلد نظيفة. شغل  و محرمنيش منه إديني بعمل baby sitting لعيال الجيران و باخذ فلوس.
ناقصني إيه؟ هه؟ ناقصني إيه؟

يمكن شوية هوا؟

هوا إيه و هباب إيه؟ الدنيا برد بره جدا. الحرارة تحت الصفر.و بعدين أنا مش مكتومة. لازم يكون في حدود. أنا بعمل كل إللي أنا عايزاه بس في حدود. و أنا معرفش كل الحدود دي و هوه قاري أكتر مني بكتير في المسائل دي و مسئولة منه فلازم أسمع كلامه.

مش كلامك إنتِ يا إللي جاية من الشيطان!

مكنتش أعرف إن الشيطان بتاعه بيتكلم عربي!!!

  • You're talking to yourself again love, aren't you?
  • No noooo I'm not sweetie, why are you back so early? Lunch isn’t ready yet. (teasing him) I'm making my favourite meal.
  • (Laughing) The only person you speak to in Arabic is yourself baby. You're making saneyet batates?
  • (Flirting) Umhmmmm

هي مش صنية البطاطس دي و لو مؤاخذة أكلته هوه المفضلة؟

بس إخرسي  بقى!!

  • What was that babygirl?
  • Nothing, I was humming.(Sings) I don’t wanna close my eyes…
  • (Joining in with her ) I don't wanna fall asleep coz I miss you baby, and I don’t wanna miss a thing. (kissing her neck) Mmmmm I love those tight red pants…I love it when you sing our song…

إنتِ كنتِ عايزة أغنية إيه؟ مش فاكرة اسمها

إستخفر الله منكِ يا شيطانة!!

  • What is it honey?
  • Nothing, nothing, I just need to go pray first and I'll be right up.
  • Do you have to now? You cant anyway, because we kissed.
  • But I'll miss the Maghreb!!
  • You wont and besides, in a situation like this, you should do this first because – well, we already started, that’s the shariaa' of it. It says so in the chapter on marital rights and rules. (Pushing her gently up the stairs) Yalla, come on you beautiful thing you…



الجزء التاني
2

متطلعيش الطيارة يا غبية. دي فرصة مش هتيجي تاني. و إنتِ عايزة ده. إنتِ عارفة إنك عايزة ده.

مسحت المرايا بالطرحة إللي قلعتها.

 شعري شكله وحش أوي. أنا شعري مش إسود. مش إسود.

و لو مطلعتش هروح فين؟ مليش بيت و لا أهل.

ملكيش بيت و لا أهل في بيت أمه و أبوه برده. إنتِ عارفة إنك مش عايزة تطلعي الطيارة. متطلعيش. هتلاقي مكانك.

أيوه هلاقي مكان. مكان. أيوه.

دفست الطرحة في شنطتها و سابت شعرها من الكحكة المشدودة. شدت باب الحمام عليها و خرجّت قدمها اليمين. مرة واحدة جت ست من وراها عايزة تخرج ف لقيت نفسها وسط المطار مستنية مع ناس غرب متعرفهمش طيارة 17M9PP.

إيه إللي أنا هببته ده. طيب أنا مستنية إيه لو مش هروّح؟ هفضل هنا؟ معرفش حاجة في البلد دي.

روحي عشان تشوفي هتنزلي شنطك إزاي من على الطيارة.

أروح فين بس؟ هنزلهم من على الطيارة؟ و بعدين؟ ممكن أعيش هنا صح؟ ممكن ليه لأ؟ محتاجة أقعد و أفكر هعمل إيه. أنا بعمل ده ليه؟ ليه أصلا؟ أنا مبسوطة...

يجلس رجل وحيدا في كرسي مش بعيد أوي منها معاه كاميرا تصوير فوتوغرافي. بيلاحظ إرتباكها و بتشد إنتباه بلبسها الواسع و شعرها الأسود المصبوغ إللي مش ماشي مع لون حواجبها – بني فاتح – و ترددها في أخذ خطوة قدام أو ورا.

بيخرج الكاميرا و يطلع العدسة و يركبها و من بعيد بيأخذ صورة ليها. بعيد صورة كمان و لما مأخدتش بالها صورها مرة كمان.

لقطها في لحظة خوف مايلة بجذعها لقدام كأنها نفسها تطول حاجة ف رجع الكاميرا على الصورة إللي لقطها و قام بشويش من مكانه عشان يوريهالها.

-         مساء الخير

-         إيه؟ و عليكم السلا...مساء ال...

-         مش قصدي أضايقك و لا حاجة بس أنا مصور في وكالة أنباء و بسافر كتير و بحب جدا أصور الناس في المطارات
-         أخبار إيه؟

-         أرجو إني مكنش بزعجك؟

-         لأ لأ لأ أنا بس مش عارفة...

-         لو عند حضرتك مانع أصورك...

-         تصورني ليه؟ تصورني كده؟ ليه؟ إنت مين و عايز مني إيه؟ تصورني ليه؟؟؟؟

-         أنا بقول لحضرتك أنا بحب أصور الناس في المطارات و لو ده يزعجك همسح الصور فورا...

-         إنت إزاي تصورني منغير إذني؟؟؟ إزاي؟؟؟؟

-         أنا أخذت الشوط و كنت جاي اسأل حضرتك إذا كان عندك مانع...

-         صورتني ليه أصلا؟؟؟؟ من الأول؟؟؟؟

-         أنا بصور إللي بيلقط عيني مش أكتر...

لقطي عينه يا هبلة. بيقولك لقطي عينه.

-         لقط عينك ليه؟ شكلي يضحك؟؟ 

-         لأ خالص. بالعكس. شكلك حقيقي جدا. شعرك لفت نظري أوي. سواده و عدم تناسقه مع بشرتك الفاتحة جدا و حواجبك إللي لونها مختلف. أنا فعلا متأسف لو ضايقتك و لو تحبي همسح الصورة.

-         شعري؟؟؟ صورتني عشان شعري؟ شعري لفت نظرك؟

-         أه....هي دي مشكلة؟ أنا مكانش قصدي حاجة وحشة

تكلم نفسها

-         شفتي؟؟؟ شفتي يا شيطانة؟ أهوه دي أخرة شورتك المهببة. إللي متلقح مستنيني أرجع البيت طلع عنده حق...

-         نعم؟ هوه حضرتك بتكلميني أنا؟

-         لأ بكلمها هي!! بص عليّ عشان شعري عريان. محمد كان عنده حق!!! محمد كان عنده حق. مكانش هيبصلي لو مكنتش عملت إللي إنتِ وذيتيني عليه.

-         أنا فعلا أسف...

-         التصوير حرام أصلا. هي فين. (تبحث عن الإشارب في الشنطة)

إتحرك الرجل لمكانه تاني منغير ما يتكلم معاها. ممسحش الصورة و مشالش الكاميرا و قعد يتفرج عليها و هي بتكلم نفسها في وسط المطار و بتلف الطرحة حوالين شعرها الإسود إللي كان إتنكش خلاص.

Last call for flight 17M9PP heading back to Amsterdam at Gate 6

هترجعي تاني؟ برجليكِ؟

مليش مكان تاني. مليش مكان....هوه بوابة 6 منين؟

بص عليها مرة أخيرة و هي بتجري ناحية بوابة 6 و صوّر صورة أخيرة ليها و هي واقفة في الطابور – قلقانة و مستنية كأن دي أخر فرصة في حياتها و بتدفس شعرها الإسود بنرفزة جواه الإشارب كأنها بتخبيه – بس مش بالضبط – يمكن بتخبي لونه.

قفل الكاميرا.

تعليقات

‏قال كراكيب نـهـى مـحمود…
زينب هايله حلوة جدا
انا معرفتش ارفع عيني عنها غير لما خلصت قرايه تجنن يا قطتي وحشتينننننني
11 أكتوبر 2010 في 5:44 ص
‏قال Zainab…
نهى حبيبتي أنا مبسوطة أوي إنها عجبتك
حاسة إني أنجزت عمل مهم

إنت وحشتيني أوي أوي

مبسوطة جداااااااااااا إنها عجبتك :):)
14 أكتوبر 2010 في 12:02 ص
إرسال تعليق

المشاركات الشائعة من هذه المدونة

صورة يوسف

صورة
صورة يوسف شجر المانجة مبيطرحش ممكن أعمل أي حاجة عشان أرجع تاني لنص أغسطس وأكل مانجة معاك بعد الغدا، دلوقتي، موسم العويس خلص وعدى، وشجر المانجة مبيطرحش. من ورا السلك، من شباك المطبخ، ورق شجرة المانجة باين بالرغم من التراب ومن صغر الشباك. مع إني مش دايمًا بفتكرك عند الحوض، حاسة بضلك هناك، حركة ايديك، تنهيدة من بتوعك، كلام عن المية اللي بتغلي ف مينفعش دلوقتي أعملك نسكافية. معرفش لو كل الحاجات دي حصلت في يوم ما بنفس الترتيب اللي أنا فاكراه دلوقتي، يمكن ده اللي الذاكرة بتعمله في الوقت اللي زي ده، وقت ما مبيبقلناش غير الذاكرة نعتمد عليه عشان نحاول نوصل لك. أخر مرة وقفت عند الحوض كنت بغسل كبايات جديدة، شربوا فيها اللي جايين يعزوا، وهما أصلًا مش عارفين يعني ايه إن ضلك خلاص ميكونش عند الحوض اللي بينزل فيه تفل الشاي، محدش فيهم يعرف الشاي معاك، محدش فيهم مشي في نور ضلك. كنت دايمًا بفكر إنك راجل بتاخد مساحة كبيرة من الفضاء، عشان إنت كده، حد كبير، راجل بياخد مكان عشان كل حاجة بتتعمل زي ما إنت عايزها، وعشان يكون في مكان لحكاياتك ولحاجاتك، وعشان الهيبة والضحكة والحنية دول كا...
قراءة المزيد

A City of One's Own

A City of One’s Own Kyria Lysoon… Kyria Lysoon…Kyria Lysoon The man’s chanting is drowned by the pulling of the brakes and the screech of the train slowing down on its tracks. He does not get on. The station at the heart of the city is never empty; there is a never ending exchange of travelers getting on and off under the cold florescent light. Kyria Lysoon, he chants again. I do not move. I miss the train as I look at this man who seemed to have been there just for me. No one else would understand. For them, he is just another man driven mad by his city. Giza, 1999 By the dim light peeking through the tree branches and pouring through the window, I am arranging my grandmother’s photographs of faces which have become so familiar to me. The faces are all worn out, smiling; carrying something heavier than their features could carry. They could be called ‘authentic Egyptian faces.’ Even the children seem to have their years and wrinkles outlined for them. My...
قراءة المزيد

Olga's Pool

صورة
Dearest Ms. O, This is what one could call a goodbye letter. A letter that is not sent,  for many, many reasons. I am writing to you in this formality because I think you would appreciate  the irony behind it. It might've made you laugh. I also think you would've  liked getting letters addressed to Ms. O. I could tell you that I did not try to make you laugh earlier because I thought  it to be inappropriate but the truth is, I didn't think about it the past months.  I was too much consumed with myself. When I knew earlier this week that you had left, all I could think of was that it  has happened as per the illocutionary force that you had been uttering so  nonchalantly for so long. It happened and then was announced to us in a  sentence, in a virtual void. It happened and it was just like that line from  Mrs. Dalloway : "Mrs. Dalloway said she would buy the flowers herself." She did. Perhaps, no one b...
قراءة المزيد